দাপোণ নিউজ অসম

 ছিপাঝাৰৰ উচ্ছেদিত প্ৰতিটো পৰিয়ালক ৬ বিঘাকৈ ভূমি আবন্টন দিয়ক দৰং জিলাৰ ছিপাঝাৰৰ ধলপুৰত প্ৰশাসনে কৰা অমানৱীয় উচ্ছেদ কাৰ্যক আমি নীতিগতভাৱে বিৰোধ কৰিছোঁ। ক'ভিড পৰিস্থিতি আৰু বান-বৰষুণৰ বতৰত শিশু-বৃদ্ধা লোকৰ কথা চিন্তা নকৰাকৈয়ে অমানৱীয় উচ্ছেদ কৰি তাৰ পৰা ছেডিষ্টিক আনন্দ লোৱাটো অত্যান্ত গৰিহণা যোগ্য। তথাকথিত থলুৱা যুৱকক সংস্থাপনৰ নামত এনেদৰে কৰা উচ্ছেদ কাৰ্য মানৱ অধিকাৰৰ প্ৰতি চূড়ান্ত ভেঙুচালি। যিসময়ত চৰকাৰে গৰাখহনীয়াপীড়িত ভূমিপট্টা প্ৰদান কৰি সংস্থাপনৰ ব্যৱস্থা কৰিব লাগিছিল তাৰ বিপৰীতে এইসকল সৰ্বস্বান্ত লোকসকলক গৃহহীন কৰাটোৱে চৰকাৰৰ অমানৱীয় দৃষ্টি আৰু মেৰুকৰণৰ ৰাজনীতিৰ কথা উদঙাই দিয়ে। তাৰোপৰি বিদেশী নাগৰিকক ৰঙা দলিচা পাৰি আনি ভাৰতীয় নাগৰিকত্ব প্ৰদান কৰাৰ বিপৰীতে ভাৰতীয় নাগৰিকক দেশৰ মাটিৰ পৰা উচ্ছেদ কৰা কাৰ্য্য কল্যাণকামী ৰাষ্ট্ৰৰ পৰিপন্থী। চৰকাৰৰ এনে অমানৱীয় আচৰণত ৰাজ্যৰ বুদ্ধিজীৱি সমাজে নিৰবতা অৱলম্বন কৰাটো চিন্তনীয় বিষয়। আজি সৰ্ব ভাৰতীয় সংযুক্ত গণতান্ত্ৰিক মৰ্চা দলৰ ৫ জন বিধায়ক ক্ৰমে মাননীয় অধিবক্তা আমিনুল ইছলাম, মাননীয় বিধায়ক ছুজাম উদ্দিন লস্কৰ, মাননীয় বিধায়ক মজিবুৰ ৰহমান আৰ...